傷跡ê故事
約翰福音書 20: 24-29
2007/02/25林珊宇講於 波士頓台灣基督教會 ─二二八公義和平紀念主日信息(原文英文，黃睿聖翻譯)
我有真chë傷跡。其中一個是t„我tò-pêng ê目眉邊。相當小ê,你可能無注意，但是伊t„-hia。Chit-ê傷跡有一個故事，t„當我細漢ê時，差不多5歲，我kap我ê表小弟t„阿公阿媽ê厝s¡g。阮peh到樓梯頂，伊狠(hiông)狠碰一聲kä門關起來。我tõh tùi樓梯頂lìn落來，樓梯是磨石á，冷koh硬，頂面可能又koh有鋪鐵片。Hit時，我有流血，總是我bë記得à，chit-ê傷跡提醒我有chit-ê事件。
今á日ê福音信息，咱看見傷跡ê力量；chit-ê傷跡ë-tàng鑑定某人ê身分，Mä成做多馬信心ê根據。耶穌有伊ê傷跡，是羅馬人將伊釘t„十字架頂所留落來ê,總是伊對死人中復(koh)活。Chiah-ê傷跡kä咱講伊ê苦難kap伊ê死。當耶穌復活現身t„學生ê面前，多馬並無t„-hia,因為多馬無看tiõh耶穌手裏ê釘痕，伊就無相信耶穌已經復活。
咱活t„ 21世紀，受tiõh訓練用科學ê目睭來看世界。咱相信事實，相信咱所看見ê;有形ê täi-chì,是ë-tàng透過科學來證明ê。凡若無記載落來ê,或是無真清楚ê記憶ê,咱lóng會懷疑是˜是確實存在。
今á日，咱來探討咱台灣人心底ê傷跡。60年前ê 2月28日，t„台灣發生大規模ê殘殺事件。這˜是你t„學校或是歷史課本ë-tàng學習ê,因為咱過去ê政府一直teh隱藏這pái ê事件。這並無表示事件無發生，á是無傷跡，歷史ê傷跡猶原t„ teh,t„今á日ê幻燈片裡咱lóng有看見。我˜知影全部ê細節，我無t„-hia。實際上，我iáu未出世。相信在座ê人真chë kap我仝款。有時，咱台灣人mä親像多馬仝款。咱無親目看tiõh täi-chì ê發生，tiõh懷疑chit-ê悲慘ê事件t„歷史上是˜是真正發生過，咱無看tiõh，歷史mä無記載落來。照理講，所有事件ê發生lóng ài記t„歷史ê冊頂面，總是咱無官方ê記錄。
耶穌無因為多馬無相信伊復活來受氣，反倒轉h³多馬摸伊手頂ê傷跡，耶穌並無án-ne對待其他ê學生。雖然耶穌顯現h³多馬看是為tiõh boeh證明伊ê復活。實際上，耶穌教示咱事件ê發生無需要親目看見chiah相信。
耶穌講：「Hiah-ê無看見來信ê人，有福氣！」
咱chit代ê少年人beh講：「雖然阮無看見當時發生ê事，但是阮beh相信。」雖然我無親身接觸tiõh chit-ê歷史ê傷跡，我猶原感受tiõh伊ê存在。
我對二二八ê瞭解是透過我ê父母kap in ê朋友。藉tiõh紀錄片我重新經歷tiõh chit段失落ê歷史，我ê心因為咱ê苦難有深深ê哀痛。雖然我無親目見證，總是藉tiõh手邊ê資源，我相信！二二八受難者為tiõh台灣犧牲in ê性命，這是事實。In所受ê艱苦是超越我所ë-tàng了解ê,因為in ê遭遇提醒咱是台灣人。喚醒咱對chit片土地ê責任kap愛。Chia有咱ê歷史、祖先以及咱ê親人，是值得咱去phah拚ê。
耶穌死了後，基督徒並無受歡迎，聖經記載chë-chë基督徒殉道，tùi教會歷史中thang知早期基督徒被處死，koh h³人誣告講是引起大災難ê原因，親像放火燒羅馬城。因為in對上帝無動搖ê信心，h³ in甘心為信仰來死。早期基督徒堅持in ê信念，因為in知影有比生命koh-khah要緊ê。In將痛苦交託h³耶穌，因為耶穌bat為in承受苦難，in知影in並無孤單。到現在咱猶原會記得chiah-ê為信仰獻出生命ê基督徒，每年ê 11月1日，咱t„禮拜中紀念kap感謝in。
今á日咱mä是以仝款ê心情來紀念二二八事件。當我teh準備kap計畫今á日ê服事時，有人問我講為什麼我beh紀念二二八？為什麼ài t„教會中紀念二二八事件? 對我來講，t„我ê歷史，t„台灣ê現代歷史上，二二八是一件siöng嚴重ê破壞性事件。Chit-ê事件粉碎了真chë人ê家庭，mä因為chit-ê事件，h³咱chit代ê少年人無了解甚至無在意家己是台灣人，soah甘願認同中國，講我是中國人。雖然我厝裡ê人˜是受難家屬，我照常感受tiõh伊ê影響。今á日在座ê ˜是台灣同鄉就是教會會友，或是兩項lóng是。T„基督裡咱是兄弟姊妹；對台灣同鄉來講咱藉tiõh文化kap歷史相連作伙。
今á日無論是對二二八受難家屬或是台灣人來講，lóng是一個艱難ê時刻。咱必須問家己，若是咱˜知家己tùi toh位來，怎樣ë-tàng知影家己該往toh位去。若是咱無了解家己，àn怎ë-tàng回應上帝ài咱行ê路neh ? ná親像耶穌將伊ê使命交託h³咱一樣；咱承受伊ê精神kap愛來繼續為台灣打拼。
耶穌ê釘痕是救贖ê記號！伊受凌辱，為咱釘十字架，但是伊並無死，伊復活lah!伊ê事蹟永遠存在t„人ê心底。仝款ê,二二八chit-ê h³人心碎ê歷史事件，mä會永遠存在t„咱ê心中，tùi hit一刻起，咱知影咱是誰！tùi hit一刻起，咱知影台灣是一個值得咱流血、流汗來為伊phah拚kap付出生命ê美麗寶島。
親像咱ê信仰，tùi hit一刻起，台灣ê民主開始萌芽成長。親像咱ê信仰，tùi hit一刻起，台灣邁過伊艱苦ê試煉。親像咱ê信仰，台灣將繼續成長改變，直到掌握家己ê命運。咱ê國家會得tiõh救贖，因為耶穌是咱ê救主，是咱ê力量ê泉源。
瑪麗安娜•威廉森，一位鼓舞人心ê作家，t„伊ê冊《回歸真愛》講：每一個人ê出生lóng是為tiõh榮耀主，這˜是指某一kóa人，卻是講每一個人。當咱h³家己發光，咱mä無意中照光別人。當咱脫離家己ê驚惶時，咱mä無意中解放別人ê驚惶。
咱感謝所有經歷二二八事件ê人，為tiõh in所遭遇ê苦難kap經歷ê勇氣獻上咱ê感謝。H³咱同齊來紀念二二八ê受難者，h³ in ê犧牲成做光來照t„咱ê中間，解放咱對二二八ê驚惶，無koh成做咱ê負擔。願上帝kap hiah-ê受難ê前輩賜h³咱力量kap勇氣。(波士頓臺灣基督教會2月25日)